أعذب الشعر أصدقه!

يابــــــوي جعلك للبقــــــا والمكاسيــــــب
عمـــري بدونك يالــذ ّرا ويـــش أبي بــه


يابــــوي تســـأل عن شفـــــاك المراقيب
طلعــــة ســــــواتك للنــــّوايف غريبـــــه


ليــــه المـــــرض مايعرف الزّيـــن والعيب ؟؟؟
مــــايدري انك للمخـــــــــاليق هيبـــــه !!


أبســــألك وش بــــه غـــزا وجهك الشيب
والقـــلب لايــــع والنـــــواظر شحيبـــــه


وش بــــك تحــــاتي لانــــوى الموت تغريب
تخشــــى عليــــنا بالليـــّالي الكئيبـــــه


خـــذ دلــّتك واركـــــى على مسند الجيب
وعطنــي شمــــاغك بلثمـــــه وأحتمــي به



ونـــروّح لأرض ٍ بهــــا العشــب والطيب
وتسمــــع كلام ٍ يالغــــلا تحتفـــــي به


يابــوي بنتك لاانحكـــــى بالتــّجاريب
كـــل ٍ يشق لهيبــــه الصـــّيت جيبـــه



يابـــوي مـــاني من ســـوات المخاريب
اللـــّي تجيب لعليــــَة القــوم خيـــــبه


ومــاني من اللــّي لامشت حفــّها الرّيب
أنا مـــن اللــّي مايـــدنـــّس حليبـــــه



مـــرفوع شـــاني عن غــرام المكاتيــب
وأكبـــر من انّني أرتضـــــي بالحبيبه



أنــا غرامـــي لاابتـــــدوا بالــتّراحيب
نفوس الأوادم في وجـــودي رحيبــــه



وان كـــان زينـــــي فتنـــة ٍ للمــصاويب
أحــــط وجهـــي بالحــــريق ولهيبـــه



زينـــي أبيعـــه وأشتــــري سمعه الطّيب
اســــم ٍ ينـــومس بالصـــّروح الذ ّهيــــبه



وان كـــان عندي ( بالحـــلا) شي ٍ اصعيب
عندي جــــدود ٍ مارضــــت بالغليبـــــه



دمــــوع القبايل في لقـــانا مســــاكيب
كــــن المقــــابر لاحضـــرنا قريبــــــه



خضـــّبت لك كفـــّي من العـــز تخضيب
ورفعــــت راسي للنــّجوم الصــّعيبه



واللــــه لأســــدّك بالفــعول المصاليب
واللـــــه لأشيـــلك بالرخـــا والمصيبه



طــــلع المعــالي ماانحكــــم للشــّواريب
بنـــت ٍ وأنـــــاطح فارس القـــوم طيبه



وياشيخـــي إبشــر لوتدور الدّواليـــب
بنتـــك إلا منـــّه عــوى الذيــب ذيبه


صح لسان كاتبتها !
الكاتبة غير معروفة للأسف.

يا مل قلبٍ يسج وُفيه دُولاجـه
من هاجسٍ بالضماير قام يدرجها

في معزلٍ عن جميع الخلق وازعاجه
ما اسْمع من الناس لو تكثر لجالجها

ما غير اهُوجس تقول مضيّعٍ حاجة
وآخذ واسنّد على روحي واهرّجها

وَادُوج لو كان ما رجلي بدوَّاجَة
وادلّه النفس لين الله يفرّجها

يالله ياللي بيدك الضيق وافراجه
يا خالق الخلق يا قاضي حوايجها

تفرج لعينٍ إليَا أغفت بسُوهاجه
تجهز عليها الطواري لين تزعجها

بالصدر ضيقة ونوم العين هملاجة
عيني من العام والسهر مْتولّجها

نوبٍ سهرها دموع ونوب نهّاجة
ومرٍ تكن الدموع ومرٍ تزعجها

عليك ياللي بقلبي كَن وَهّاجه
وَهَّاج نارٍ سَنَا الغربي يسارجها

ابو ثمانٍ تشاد اللولو لَعَّاجه
كَن البَرَد يوم تضحك في مفالجها

يا روح روحي وجرح القلب وعْلاجَه
الْطف بحالٍ عليك الهم ساهجها

قلبي يناجيك باسْلوب الهوى ناجه
يشكي لك الحال داخلها وخارجها

أمَّا التفت له وتم الوصل بامْواجَه
والا بلا عشرة هذي نتايجها

وش ينفعك من حنين القلب وخلاجه
وجروحٍ اسبابها انت ولا تعالجها


* عبدالله بن عون


,,

مساحة جميلة نيو

واللي فيها أجمل

نيو
ترجمي ترجمي ، فيه اشياء مافهمتها ض1

عشوقة
انا كنت زيك ..بس الله يسامح اللي كان السبب ض1

صحيح الفصحى يستهويني اكثر بس بالنبطي شي يجذب ..اقري للبدر وبتعرفين وش اقصد

,


يطيح نصف الليل واهـز كتفـه
يفز شمع ، وباقي الليـل مطفـي

واحاكي الجدران عن حلم غرفـه
ماتشبه الجدران ويطول وصفـي

وتملني الجدران واظهر لشرفـه
تحت السماء واسكر الباب خلفـي

ليت الشوارع تجمع اثنين صدفـه
لا صار شباك المواعيـد مجفـي

وليت الروابي تشرب دموع وطفه
ويصب لمع بروقها وسط طرفي

ياطاري الغدران ، والعمر رشفه
مع قلّها ، ياليتها اليـوم تصفـي

الصبر واجد مير الأقدار صلفـه
والارض واجد لكن العزم منفـي

الي اعرفه راح مانيـب اعرفـه
ولااظن يذكرني اليا اقلبت مقفـي

ماهو حبيبي مورد القلـب حتفـه
وماهو حبيبي يفرح بوقت ضعفي

تهب ريح وتسكن العظـم رجفـه
وتغيب ريح وتسكن اغصان نزفي

مُّر ثمر هالليل ، وامـر قطفـه
ذقته قبل يلمـس لسانـي بكفـي

هذا وتّو الليـل مـاراح نصفـه
ياليل بعض اللي مضى منك يكفي

* بدر بن عبد المحسن

هذه القصيدة للشاعر /محمد بن عبد الله العوني
وتسمى بتوبة العوني


يــا الله يــا والــي عـلــى كـــل والـــي..............يـا خيـر مـن يدعـا لكـشـف الجليـلـه
المـالـك المعـبـود محـصـي الرمـالـي............... الكـون والدنيـا ومـا بــه فـهـي لــه
ما كـان أول لـه ومـا كـان تالـي...................ملكـه يـديـر بــه عـلـى مــا يـجـي لــه
يقضـي ويمضـي قــادر مــا يبـالـي................والخلـق مـا تفـعـل بــلا امــره فعيـلـه
مـا لـه شريـك جـلَّ فـوق متعـالـي.................عـلـمــه أحــــاط ابـدقـهــا والجـلـيـلـه
أشـهــد فـــلا غـيــره إلـــه ولا لــــي...............ربٍّ ســواه أخـشـاه وأرجـــي لنـيـلـه
يــا واحـــدٍ فـــوق الـسـمـوات عـالــي........... مــن سطـوتـه كـــلَّ الـخـلايـق ذلـيـلـه
يــا فــارج الـشــده بـضـيـق الـحـوالـي...........إفـــرج لـعـبـدك يـــا مـنـجــي خـلـيـلـه
وانظـر بعيـنـك يــا بــا الافــراج حـالـي...........فــــرد غــريــب والـمـصـافـي قـلـيـلـه
وحـيـد مـالـي غـيـر ظـلــك ظـلالــي..............ذلـيــل مـالــي غـيــر عــــزك وسـيـلــه
يــا راحــم أرحــم شيـبـتـي وأنـخـذالـي.........يــا جـابــر اجـبــر عـثـرتـي والفشـيـلـه
والـطـف ونـاظـر يالـولـي فــي سـؤالـي..........لا تواخذني فيما مضى لي مـن فعيلـه
لا اخــوان لا عـمـان لا مـــن خـوالــي.............ولا من صديق فـي الـورى نشتكيلـه
لـو كـان مـا يجـلـى ســوا الله جـالـي...........مــا شـفـت عـبـد هرجـتـه لــي جمـيـلـه
تقـطـعـت وذم الــعــرى والـمـدالــي................مــن جـمـلـة الـخــلان والمستخـيـلـه
وقضيـت مـن المخلـوق مـا حــد بقـالـي....... إلا انــت يــا لـلـي مـــا يـخـلـي عمـيـلـه
عـادونـي كــل الـنـاس شــرق وشمـالـي......ولا بــقـــا غــيـــرك ذرا ألـتــجــي لــــــه
شـافـونـي مـذلــول ٍ وحــيــدٍ لـحـالــي..........ولا لــي مــن الفـزعـات مـومـي شليـلـه
وأنـــا بـعــون الله امــتــانٍ احـبـالــي.............مـتـجـودٍ بـحـبـال مـنـشــي المـضـيـلـه
لــو كــان كــل ٍ لــه صـديــق امـوالــي ............اقـــراب واخـــوان والــلــي قـبـيـلـه
أنــا لــي الـلــي زابـنــه مـــا يـسـالـي..............جزل العطـا مبـري الجسـوم العليلـه
إلـــى دعـــو حبـانـهـم فــــز بــالــي..............رفعـت طرفـي لـه وقـمـت أشتـكـي لــه
ويـــــلا تـــنـــادو بـيـنــهــم لـلـنــوالــي...........نـاديـت باسـمـك يــا منـشـي المخيـلـه
ومـن لا ذبـك مـا صـار بالضـيـق تـالـي..........يصير الاول ولو كانت أعظامه هزيله
ونـــا دخـيـلـك يـــا عـزيــز الـجـلالـي...........حـاشـا كـــرم جـــودك يـضـيـع عمـيـلـه
بـريـت مـــن غـيــرك بـحـالـي ومـالــي............وزبنـت أنـا بحـمـاك عــن كــل ميـلـه
مـن شــر خلـقـك لا يــذ بــك ولا لــي...........غــيــرك مــــلاذٍ شــامــخٍ يـنـعــي لــــه
يـــا رب مـالــي غـيــر جـــدواك والـــي..........ون كــان خلـيـتـن فـــلا لـــي عقـيـلـه
يــــا عــالــم بالمـخـطـيـه والـعــدالــي..........تـشـوف مـالـي غـيــر عـدلــك وسـيـلـه
فـــلا تـواخـذنـي بـمــا ضــــي فـعـالــي..........يـاسـاتـر الـعــورات مـضـفـي جمـيـلـه
لـــو كـــان ذنـبــي راجـــح بالجـبـالـي........عـفــوك عـظـيـم لــيــس ذنــبــي عـديـلــه
أطلـبـك تقـبـل توبـتـي عــن خـمـالـي.............واطـلـبـك عـنــي كـــل كــــرب تـزيـلــه
واطلبـك تغـفـر لــي وتصـلـح اعمـالـي............يــا مـزبـن الخـايـف إلــى بــاد حيـلـه
مـــولاي لا مـنـجـا ولا مـاتـجــا لــــي........... إلا انـــت يـالـلـي مــــا يــذيــر نـزيـلــه
يـا فـزعـة المظـلـوم منـشـي الخيـالـي............يــا فــارج الـشـدات لــو هــي ثقيـلـه
أفــرج لـمـن بالحـبـس دونــه رجـالـي.............وابــواب واقـفـال وحـصـونٍ طـويـلـه
فــي وصــط دبـــابٍ غـريــب الـحـالـي............أظـلــم ولا أدري وش نـهــاره ولـيـلـه
مـتــروك مـالــي مـــن يـــرد المـقـالـي............لا حــد يـبـي قـولـي ولا حـــد يشـيـلـه
ولا احـــد غـيــرك عـلـيــه اتـكـالــي.........إلا انــــت يــــا مـنـجــي دريــــك الـدبـيـلـه
مـــا دام تنـظـرنـي وتـسـمـع مـقـالـي...........مــا خــاب عـبــدٍ يـــدري انـــك وكـيـلـه
يـــا سـامــع بالـلـيـل حـــسَّ النـمـالـي...........وصـوت يونـس فـي البـحـور الطويـلـه
المـاء وضــرب الـمـوج مـثـل الجبـالـي.......فــوقـــه اجـيــبــت دعــوتـــه وتـهـلـيـلـه
يــا مـصــرف الايـــام هـــي واللـيـالـي..........فــي قولـتـه كــن يـجـر القـلـم بتعديـلـه
أدعـــوك بـاسـمـاك الـعـظـام الـجـزالـي.........وابحـق مـا خصيـت لــك مــن فضيـلـه
وابـحــق عـظـمـة قـدرتــك والـجـلالــي.........وابـحــق نـــورك والـفـعـال الجـمـيـلـه
وابـحـق مــا نـزلــت مـــن أول وتـالــي........تجـيـرنـي مـــن شـــر خـلـقــك طـويـلــه
وتــنــزل كــربـــات عـلـيـنــا اثـقــالــي............تغطـلـسـت مـالــي ســـوى الله دلـيـلـه
أمــن عـلـى قـلــب يـجـتـول اجـتـوالـي...........يــا مسـكـن الـروعـات سـكـن جفيـلـه
أســرع علـيـنـا يـــا قـريــب الـنـوالـي.............لا تـجـعــل الــشــده عـلـيـنـا طـويـلــه
يــا فــارج الكـربـه بضـيـق الـحـوالـي...........أومــــر لـعـبــدك بـالـفــرج وتعـجـيـلـه
واجـــل الأمـــور المعـظـلـه والـجـلالـي...........عنـي وكـل عـبـد مسـلـم ينـدعـي لــه
وصــلاة ربـــي عـــد رمـــل السـهـالـي..........عــلـــى نــبـــي وضــــــح الله دلــيــلــه
صـفـوة قـريـش الـلـي مـشـى بالـعـدالـي..........نبـيـنـا المـعـصـوم عـــن كـــل مـيـلـه

القصيدة المهملة (بدون نقط)
للشاعر / فهد بورسلي


أحمد المحمود سامع لك دعاك
حكمه الحاكم على كل الـورى
مالك الا ملاك ومـراده هـداك
راحم المعسر لو صاح أو عرى
أمره الصادر رحـم والاهـلاك
هللوا له وصلوا أمـر أومـرا
الودود الواحد ومـره عطـاك
سم واسمه سور لو همك سرى
الدهر صكه الى عال ورمـاك
وعلعلك همه وصده واسهـرا
لو عد لك عام ما همه هـواك
كم واحد هد حالـه واحصـرا
اصمد لحكم الودود الله حمـاك
رادع الاوهام عالـم ماطـرى
دلهـوك ودهـم عــود وداك
هل دروا ومحال ما واحد درى
دورهم داروك وحامـوا وراك
ولهم اسم العـلام ومعاصـرا
ماحصل لـك كـلام الاصـداك
هامل ومهمل وروح محسـرا
الدهر عاداك واعراك اعمـلاك
سوهـا دمـك ولحمـك ودرا
والسهم والهم وهم داك ودواك
ولهم علمك وحـدك عسكـرا
هل دمعـك دم وعـودك دواك
ما أموم الحـر دارى الحمـرا
اسأل المولى الى دهرك عصاك
عالم احوالك سوى الله ما أرى
هم العلى ماكر الحر والعـلاك
والدهر داول ملـوك وأوامـرا
عادل الأحوال وعده ما عـداك
ما وعد له واصلـه مـا دورا
كم معسر عاد له سهمه املاك
ورده أمـره وسـره صــدرا
الدعا سهمك وهو سامع دعاك
حد لها حد المسائـل مـاورا